СТАНДАРТ

Стандарт & ХЭМАБ

Чанар, аюулгүй байдал, байгаль орчны удирдлагын тогтолцоо — олон улсын стандартад нийцсэн үйл ажиллагаа.

ISO 9001:2016

Чанарын менежментийн тогтолцоо

MNS ISO/IEC 17025:2018

Итгэмжлэгдсэн лаборатори

ХЭМАБ

Хөдөлмөрийн эрүүл мэнд, аюулгүй байдал

Байгаль орчин

Байгаль орчны удирдлагын тогтолцоо

ЧАНАР

Чанарын менежментийн тогтолцоо

Захиалагчийн болон техникийн шаардлагыг бүрэн хангаж, хэрэглэгчийн хүлээлт буюу жолооч, зорчигчдын ая тух, аюулгүй байдалд нийцсэн чанартай авто зам барихад чиглэнэ.

Бид энэхүү зорилгыг биелүүлэхэд дараах үүргийг хүлээх болно:

Захиалагчаас тавьсан техникийн болон норматив шаардлагыг ханган, тогтоосон хугацаанд авто замыг барьж, чанарын баталгааг хангах
Захиалагчаас тавьсан шаардлагад тусгагдаагүй боловч, хэрэглэгчийн хүлээлтэд нийцсэн ажлыг шинээр санаачлан нэмж гүйцэтгэх
Авто зам барилгын ажлын үйл явцуудыг баримтжуулан, төслийн үйлдвэрлэлийн ажлын дараа зохих журмын дагуу архивлаж хадгалах
Чанарын бүртгэлийг тогтоосон шаардлагын түвшинд хөтөлж, төлөвлөгөөний биелэлтийг хэмжих
Эрсдэлийг тооцоолж, боломжийг төлөвлөн, хэрэгжүүлэх замаар ажлын доголдол, үл тохирлыг эхний үе шатанд нь илрүүлж, арилгах, дахин гаргуулахгүй байх арга хэмжээг авч ажиллах
Ажилчдыг ая тухтай, Хөдөлмөр – Эрүүл ахуйн шаардлагыг хангасан, ажиллаж амьдрах нөхцөлөөр хангах үүргийг хэрэгжүүлэн, мэргэжлийн болон дотоод чиглүүлэх сургалтаар хангаж байнга идэвхжүүлэх
Ажлын гүйцэтгэлийн хугацаа, тоо хэмжээ, чанарт тавих явцын хяналтыг сайжруулан, мэдээлэл технологийн алсын зайны удирдлага, программ хангамжийг өдөр тутмын үйл ажиллагаандаа ашиглах
Үйл ажиллагааны гүйцэтгэлийн мэдээлэл, өгөгдлийг цуглуулж, удирдлагын зүгээс дүн шинжилгээ хийснээр чанарын менежментийн тогтолцоог байнга сайжруулах
Чанарын менежментийн тогтолцооны шаардлагыг хангахад хүн бүрийн үүрэг оролцоо чухал болохыг ажилтнуудад танилцуулан ойлгуулах
Олон улсын стандартад нийцсэн дэвшилтэд технологи, техник – тоног төхөөрөмж, машин механизмаар хүчин чадлаа шинэчлэн сайжруулж ажиллах
Туслан гүйцэтгэгч, ханган нийлүүлэгчдэд чанарын менежментийн тогтолцооны шаардлагыг биелүүлэх талаар мэдээлэх, шаардах

ЛАБОРАТОРИ

Итгэмжлэгдсэн лаборатори

Манай компанийн материалын баг хамт олон маань Монгол Улсын зөвлөх материалын инженерээр удирдуулан MNS ISO/IEC 17025:2018 стандартын шаардлагыг хангасан авто замын явуулын итгэмжлэгдсэн лаборатори болсон юм.

Авто замын барилгын ажлыг чанартай гүйцэтгэхэд нөлөөлдөг гол хүчин зүйл бол мэргэжлийн боловсон хүчин, материалын шинжилгээг үнэн зөв бодитой хийх арга, аргачлал, дэвшилтэт багаж тоног төхөөрөмж юм. Компанийн зүгээс материалын инженер, лаборант, туслах ажилтнуудынхаа мэдлэг боловсролд байнга анхаарал хандуулан сургалтад жил бүр хамруулдаг.

Манай лабораторид хөрсний шинжилгээ, чулууны шинжилгээ, бетоны шинжилгээ, цементийн шинжилгээ, цементээр бэхжүүлсэн суурийн шинжилгээ, асфальт бетоны шинжилгээ, битумын шинжилгээ зэргийг хийж байна.

Манай лаборатори нь хамгийн сүүлийн үеийн багаж, тоног төхөөрөмжөөр тоноглогдсон бөгөөд жилд 150 км авто замын дүүргэгч материалын шинжилгээ, 100 км асфальт бетон хучилтын шинжилгээ хийх хүчин чадалтай. Олон улсын стандартад нийцсэн дэвшилтэт технологийн багаж, тоног төхөөрөмжөөр нэмж тоноглосноор баталгаат шинжилгээг хээрийн нөхцөлд түргэн шуурхай найдвартай хийх нөхцөлийг бүрдүүлэн ажиллаж байна.

ЛАБОРАТОРИ

Лабораторийн чанарын бодлого

Хэрэглэгч захиалагчийн болон хяналтын байгууллагаас тавьсан техникийн шаардлагыг үндэслэн итгэмжлэлийн хүрээний дагуу холбогдох стандарт, норм дүрмийн дагуу MNS ISO/IEC 17025:2018 стандартыг мөрдлөг болгож, материалын сорилт, шинжилгээний ажлыг үр дүнтэй зохион байгуулахад оршино.

2019 онд СХЗГ-ын давтан аудитад хамрагдаж итгэмжлэлийн гэрчилгээгээ MNS ISO/IEC 17025:2018 «Сорилтын болон шалгалт тохируулгын лабораторийн чадавхад тавих ерөнхий шаардлага» шинэчлэгдсэн стандартын дагуу 4 жилийн хугацаатай сунгуулаад байна.

MNS ISO/IEC 17025:2018 стандартыг үйл ажиллагаандаа нэвтрүүлснээр түүхий эд, материалын шинжилгээг түргэн шуурхай гүйцэтгэх, үнэн бодит байдлыг хангахаас гадна захиалагч болон хэрэглэгчийн хүлээлтэд нийцсэн үйлчилгээг үзүүлэхэд оршино.

ХЯНАЛТ

Хяналтын систем

Манай компани 2012 оноос авто замын барилгын ажилд ашигладаг машин механизмуудад GPS зайнаас хянах систем болон түлшний хяналтын системийг хэрэглэж эхэлсэн. Одоогийн байдлаар нийт 111 машин механизмд ашигласнаар ашиглалт сайжирч, түлш шатахууны зардал буурах ба ажлын бүтээл нэмэгдсэн.

GPS хяналтын систем нь тээврийн хэрэгсэлд суурилуулах GPS төхөөрөмж болон хяналтын программ хангамжийн тусламжтайгаар тээврийн хэрэгслийг зайнаас хянаж удирдах боломжийг олгоно. Үүрэн холбооны сүлжээнд ажилладаг, интернэт холболт бүхий компьютер, таблет болон гар утаснаас тээврийн хэрэгслээ 24 цагийн турш зайнаас хянаж, удирдах боломжтой болно.

Түлшний хяналтын систем нь тээврийн хэрэгслийн түлшийг зайнаас хянах боломжийг бүрдүүлж, өндөр нарийвчлал бүхий түлш хэмжигчийг машин, тоног төхөөрөмжийн түлшний саванд суурилуулж, GPS хяналтын төхөөрөмжтэй хослуулан ашигласнаар машин хаана зорчиж байгаагаас үл хамааран зайнаас түлшний саван дахь түлшний түвшин, түлш цэнэглэлт, түлшний зарцуулалт, түлшний хулгайг бүрэн хянадаг.

Зорчсон маршрутын тайлан
Зорчсон зайн тойм тайлан
Зорчсон зайн дэлгэрэнгүй тайлан
Зогсолтын тайлан
Хөдөлгүүрийн асаалттай зогсолтын тайлан
Түлш зарцуулалтын тайлан
Тээврийн хэрэгслийн зөвшөөрөгдөөгүй хэрэглээ зогсоно
Түлш шатахууны зардал буурна
Жолоочийн ажлын гүйцэтгэл дээшилнэ
Тээврийн хэрэгслийн ашиглалт сайжирна
Ачаа тээшний аюулгүй байдал дээшилнэ
Байгаль орчинд ээлтэй

ХЭМАБ

Хөдөлмөрийн эрүүл мэнд, аюулгүй байдал

Ажилчид болон захиалагч, хэрэглэгч нарын эрүүл мэнд, аюулгүй байдлыг хангах нь урт хугацааны ХЭМАБ-н үүрэг бөгөөд манай соёл байх болно. Хөдөлмөрийн аюулгүй байдал, эрүүл ахуйн удирдлагын тогтолцоог нэвтрүүлэх, цаашид тогтвортой хэрэгжүүлэхийн тулд компанийн дотооддоо мөрдөх журам, зааварчилгааг шинээр боловсруулан мөрдөж байгаа бөгөөд хүн бүр ажлаа аюулгүй гүйцэтгэх арга барилд байнгын суралцаж, орой бүр гэр бүлдээ эсэн мэнд харих нөхцөлийг бүрдүүлж байна.

Бид Монгол орны өнцөг булан бүрд төсөл хэрэгжүүлэх явцдаа ажилтнуудын ажлын орчинд анхаарч жил бүр хөдөлмөрийн аюулгүй байдал, эрүүл ахуйн зорилго, түүнийг хэрэгжүүлэх нарийвчилсан төлөвлөгөөг боловсруулж, гүйцэтгэлд байнгын хяналт тавин ажилладаг.

Хөдөлмөрийн аюулгүй байдал, эрүүл ахуйн талаар баримтлах бидний зорилго:

Эрсдэл өндөртэй аюулын тоог бууруулж, хяналтдаа авна, өндөр эрсдэл бүхий ажил, ажлын байруудад байнгын шинжилгээ хийж хүн бүр хяналтдаа байлгана
Ажлын байран дахь ослын тоог бууруулна, аюулыг мэдээлэх хуудсаар осолд дөхсөн тохиолдол болон аюул үүсэх нөхцөлүүдийг урьдчилан харж, тохирох залруулах болон сэргийлэх арга хэмжээг байнга авснаар осол гаргахгүй ажиллах нөхцөл бүрдэнэ
Сургалтын цагийг нэмэгдүүлж, ХЭМАБ-н соёлтой хамт олон байх болно, сургалтуудыг шат дараалуулан байнга зохион байгуулж аюулыг харж чадах чадамжийг хүн бүрд эзэмшүүлнэ

БАЙГАЛЬ ОРЧИН

Байгаль орчин

Бид авто замын барилгын ажлыг гүйцэтгэх явцдаа байгальд ээлтэй бодлого баримталж, сөрөг нөлөөллийг бууруулах, хяналт тавих журмыг хэрэгжүүлдэг.

Байгаль орчны удирдлагын тогтолцоог нэвтрүүлэх, цаашид тогтвортой хэрэгжүүлэхийн тулд компанийн дотооддоо мөрдөх журмыг шинээр боловсруулан, хүн бүр үйл ажиллагаандаа журмуудыг хэрэгжүүлснээр байгальд ээлтэй байдлаар ажлаа гүйцэтгэх үндсэн шалгуур болон зарчмууд хэрэгжих боломжтой болно.

Бид Улсынхаа өнцөг булан бүрд авто замын бүтээн байгуулалтуудыг гүйцэтгэх явцдаа тухайн төслийн онцлогт уялдуулан мэргэжлийн байгууллагаар байгаль орчны менежментийн болон нарийвчилсан төлөвлөгөөг боловсруулан холбогдох төр захиргааны байгууллагаар батлуулан, гүйцэтгэлд байнгын хяналт тавин ажилладаг.

Байгаль орчны талаар баримтлах бидний зорилго:

Авто замын барилгын ажлыг гүйцэтгэх явцад шаардлагатай материалыг аваад, техникийн болон биологийн нөхөн сэргээлтийг хийнэ
Машин механизмаас гарч байгаа хаягдал тос тосолгооны материал хөрсийг бохирдуулахгүй байх бүх боломжит арга хэрэгслүүдийг хэрэглэж хүн бүрийг энэ талаар мэдлэгтэй байлгана
Өөрсдийн үйл ажиллагаанаас гарах ахуйн болон үйлдвэрлэлийн хог хаягдлын менежментийг төсөл бүрийн онцлогт тохируулан боловсруулж, чанд дагаж мөрдөнө
Авто замын барилгын ажилд шаардлагатай усны хэрэгцээг тухайн орон нутгийн удирдлага, ард иргэд, малчидтай зөвшилцөж, гүний болон гадаргуун усыг зөв зохистой ашиглана
Монгол Улсын хууль тогтоомж, стандартууд болон харилцагч байгууллагуудын хүсэл шаардлага, мөн эх дэлхийгээ хайрлан хойч үедээ унаган төрхөөр нь үлдээх зарчим дээр суурилдаг